Ethiopie: Abantu 26 bapfiriye mu gitero simusiga mu Karere ka Amhara

Ku Cyumweru tariki ya 13 Kanama 2023, Nibwo abakozi bo mu nzego z’ubuvuzi batangaje ko abasivile 26 bapfiriye mu gitero cya drone mu karere ka Amhara mu gihugu cya Ethiopie.

Iki gitero cyabereye mu Mujyi wa Finote Selam mu Burengerazuba bwa Gojam muri Ethiopie kibaye nyuma yuko hari imivurungano yari imaze igihe ibera muri iki gihugu yari yatanze agahenge.

Ingabo za leta n’inyeshyamba zizwi nka FANO zahoze zifatanyije na zo mu ntambara yo muri Tigray zimaze amezi ane zirwana.

Imirwano yatangiye muri Mata ubwo guverinoma yategekaga ko inyeshyamba zinjira muri polisi cyangwa mu gisirikare mu gikorwa gikurikira amasezerano y’amahoro muri Tigray.

Uyu muganga yavuze ko ibitaro byagowe no kwita ku bakomeretse kubera ubushobozi buke. Abagera ku 100 ni bo bahageze bwa mbere ariko ngo hari abandi benshi biyongereyeho.

Komisiyo Ishinzwe Uburenganzira bwa Muntu muri Ethiopie, yatangaje kuri uyu wa Mbere ko yakiriye raporo y’uko uduce twa Finote Selam, Amhara na Burie and Debre Birhan twarashweho.