Haïti: Abarenga 2000 bamaze gupfira mu bwicanyi simusiga bw’amabandi muri 2023

Ubushakashatsi bwakozwe nUmuryango wAbibumbye kuva mu ntangiriro zumwaka wa 2023 bwagaragaje ko udutsiko twamabandi yitwaje intwaro, twateje impfu zirenga 2.400.

Ravina Shamdasani, umuvugizi w’Ishami ry’Umuryango w’Abibumbye ryita ku burenganzira bwa muntu ari i Genève yagize ati, " Hagati y’itariki ya 1 Mutarama na 15 Kanama 2023, nibura abantu 2.439 barishwe, abandi 902 barakomereka".

Ravina Shamdasani, yavuze ko kubera ibyo bikorwa by’urugomo, umutekano mukeya n’ubwicanyi bikorwa n’utwo dutsiko tw’amabandi twitwaza intwaro, habayeho kwiyongera kw’amatsinda y’abaturage bishyira hamwe mu rwego rwo kwirwanaho ‘groupes d’autodéfense.

Kubera imvururu zikomeje kwiyongera muri Haïti, cyane cyane ku matariki 11 - 15 Kanama 2023, Umuyobzi mukuru w’Ishami ry’Umuryango w’Abibumbye ryita ku burenganzira bwa muntu, Volker Türk, wanasuye Haïti muri Gashyantare 2023, yasabye ko “hagira ingamba zifatwa mu buryo bwihuse. Kuko uburenganzira bwa muntu bw’abaturage ba Haïti bukwiye kubahirizwa n’umubabaro bafite ukagabanuka”.