DRC: I Goma habaye imyigaragamyo yaguyemo abatari bake

Mu rukerera rwo ku wa Gatatu tariki ya 30 Kanama 2023, Nibwo Abarwanyi b’imitwe itandukanye yitwaje intwaro muri Repubulika Iharanira Demokarasi ya Congo muri Kivu y’Amajyaruguru bakoze imyigaragambyo igamije kurwanya umutwe wa M23.

Imyigaragambyo yatangiye mu masaha ya saa cyenda z’ijoro tariki 30 Kanama 2023 mu mujyi wa Goma mu duce twa Ndosho, Kyeshero, Katindo, Majengo, Katoyi, Buhene na RVA Monusco aho abarwanyi ba Wazalendo bari bagambiriye gutera ahakorera ingabo z’umuryango w’Abibumbye Monusco zikorera muri DRC ariko bakomwa mu nkokora na Polisi n’igisirikare.

Ni imirwano yakomerekeyemo benshi ubu barimo kuvurirwa ku bitaro bya CBCA mu mujyi wa Goma ahamaze kugezwa inkomere 10 n’abapfuye batandatu harimo umunyamakuru Dorcas Tabitha usanzwe ukora kuri Radio mu mujyi wa Goma.

Ikinyamakuru actualite gikorera muri iki gihugu, kivuga ko imyigaragambyo yari igambiriye gutera ibiro bya Monusco yamaze gushyiraho uburinzi bukomeye.

Nubundi bibaye nyuma yuko umutwe wa Wazalendo wari yasabye gukora imyigaragambyo ku tariki ya 30 Kanama ariko yangirwa n’ubuyobozi bituma bayikorana uburakari.