Maroc:Polisi yafashe cocaine ifite agaciro ka Miliyari 80 Frw

Ku wa Gatanu tariki ya 20 Ukwakira 2023, Nibwo , Polisi ya Maroc yatangaje ko mu Murwa mukuru, Casablanca yafatiye toni 1.37 za cocaine.

Igipolisi cya Maroc mu itangazo cyashyize ahagaragara cyavuze ko iki kiyobyabwenge cyari gihishe mu mizigo y’amafi yatumijwe mu mahanga cyafatiwe muri sosiyete iranguza ayo mafi mu mujyi munini wa Maroc.

Igipolisi kandi cyavuze ko ubushakashatsi bwibanze bwerekana ko umuzigo watumijwe mu gihugu cyo muri Amerika y’amajyepfo ukanyura muri Espagne, kivuga ko iperereza rigikomeje nkuko Reuters ibitangaza dukesha iyi nkuru.

Ugereranyije iki kiyobyabwenge cyafashwe gihagaze asaga miliyari 80 z’Amanyarwanda ($67 million)