Kiyovu Sports yahagaritse Juvenal Mvukiyehe imushinja gushora ikipe mu manza

Ikipe ya Kiyovu Sports yandikiye Mvukiyehe Juvenal wahoze ari president wayo , imumenyesha ko yahagarutswe by'agateganyo, mu ibaruwa btnrwanda.com dufitiye Copy , mu izina rya commite nyobozi ya Kiyovu Sports, umuyobozi wayo bwana Nkurunziza David , yamenyesheje Juvenal ko ahagaritswe by'agateganyo , ku mpamvu zuko atacyubahiriza amategeko shingiro, n'amategeko ngengamikorere yuyu muryango.

Ku cyumweru taliki ya 25 Gicurasi 2024 nibwo bwana Nkurunziza David na commite ye, batorewe kuyobora umuryango wa Kiyovu Sports mu gihe cy'imyaka 3 , muri iyi nama y'inteko rusange habaye igisa n'agashya kuko bwana Juvenal Mvukiyehe yangiwe kwinjira , ndetse bisa naho biteje umudugararo , ariko ntibyakomeza kuko uyu mugabo yagumye hanze , nubwo bitamushimishije .

Bimwe mubyo yashijwe harimo imyitwarire idahwitse , irimo gushora Kiyovu Sports mu manza , gucamo ibice abanyamuryango ba Kiyovu Sports, no kwangiza umutongo wa Kiyovu Sports, ibi byose bikaba aribyo byashingiweho Mvukiyehe Juvenal ahagarikwa byagateganyo , Kiyovu Sports irimo amadeni menshi abantu batandukanye barimo n'abakinnyi abenshi bakaba baraguzwe mu minsi ya nyuma ya Juvenal nk'umuyobozi.

Amategeko shingiro ya Kiyovu Sports avuga ko umuntu atakaza kuba umunyamuryango ,igihe atakiriho , asezeye cyangwa abwambuwe , Juvenal Mvukiyehe yayoboye Kiyovu Sports imyaka 3 , mbere yo kweguzwa n'inama y'inteko rusange agasimburwa na Ndorimama Jean Francois Regis , uyu mugabo yahise agura ikipe yahoze yitwa Rugende FC , ayita ADDAX FC kuri ubu ikaba ibarizwa mu cyiciro cya 2, twagerageje kuvugana na Juvenal ariko atubwira ko ari mu nama  .