Kylian Mbappe yateye umusumari mu isanduku yo gushyinguramo umupira w'amaguru "Max Eberl

Max Eberl yavuze ko umupira uri kugenda upfa gahoro gahoro abantu barebera , kubera ko abakinnyi ubu bari kureba inyungu zabo gusa ,batitaye ku bihombo amakipe arimo kugira , ati" vuba aha isoko rigiye kumera nkiryo muri Saudi Arabia, kandi ibyo ndumva bitazaba ari byiza, tuvugishije ukuri nta kipe iri kubyungukiramo, ni abakinnyi, abashinzwe kubashakira amakipe ( agents ), n'imiryango yabo nibo bari kunguka , mbere amakipe niyo yungukaga, amafaranga akaguma hagati yayo , gusa ibyo bizabaho gacye".

Yavuze ko abakinnyi bakomeje kuba ibisambo bagashaka kuva mu makipe basoje amasezerano ,kugirango amafaranga yose baguzwe bayijyanire, maze amakipe agataha amara masa , aha yatanze urugero rwa Kylian Mbappe uherutse gusinyira Real Madrid, ariko PSG yavuyemo ntibayihe n'urutoboye kuko yari asoje amasezera , kuri iyi ngingo Max Eberl yagize ati " nta muntu utagira ubugugu bw'amafaranga , ariko buri wese uzagira ubwo bugugu azaba ateye umusumari mu isanduku y'umupira w'amaguru, turi kuvuga ku magana yama million , ibi birakabije cyane ".

Isoko ry'igura n'igurisha ry'abakinnyi iburayi turi gutera benshi impungenge , kubera ko ryamaze gutumbagira kuburyo amakipe mato adafite amikoro ahagije , kurirema bikomeza kugorana , kandi ibiciro bigakomeza gutumbagira umunsi kuwundi , Max Eberl ntabwo ariwe gusa ufite impungenge ku bakinnyi bari guhombya amakipe , kuko benshi babona ko bimaze gukabya uretse Kylian Mbappe hari abandi bakinnyi bagiye bagurwa umurengera ,ariko bajya kuva mu makipe yabaguze bakagendera ubuntu , aha twavuga nka Paul Pogba , wavuye muri Manchester United, na Antonio Rudiger wavuye muri Chelsea n'abandi.