Bwa mbere mu mateka ya NBA umwana na se bagiye gukina mu ikipe imwe

Igihangange muri Basketball Lebron James, agiye gukinana n'umuhungu we Bronny James mu ikipe ya Los Angeles Lakers , nyuma yuko iyi kipe itoranyije uyu mwana w'imyaka 19 , mu bakinnyi bashya bagiye kwinjira muri NBA.

Ikipe ya Los Angeles Lakers yatoranyije Bronny James w’imyaka 19 ngo azayikinire mu mwaka utaha w’imikino, nk’uko bitangazwa na NBA.Bronny ni umuhungu w’icyamamare muri Basketball LeBron James na we ukinira ikipe ya Los Angeles Lakers. 

LeBron James agiye gukinana n'umuhungu Bronny James muri Lakers 

Nibatangira gukina mu ikipe imwe, bizaba ari ubwa mbere mu mateka umuhungu na se bakinnye muri NBA, mu gihe kimwe kandi mu ikipe imwe.Lebron James w’imyaka 39, amaze gukina imyaka y’imikino (seasons) 21 muri NBA, aho yatsinze amanota arenga 40,000, ni yo menshi mu mateka ya basketball ya NBA. 

Lebron afatwa na bamwe nk’umukinnyi b’ibihe byose muri uyu mukino. Bavuga ko iki ari igihe cye cyiza cyo guha urumuri umuhungu we akarukomeza mu buryo butigeze bubaho mbere muri NBA.