La Jeunesse FC yatsinze Addax SC mu mukino wari uryoheye ijisho

Uyu mukino ADDAX SC yari yakiriyemo ikipe ya La Jeunesse, watangiye Saa 03h30' p.m, wagiye kuba utegerejwe na benshi bitewe nuko aya makipe ari mu makipe ahabwa ikizere cyo kuzamuka mu cyiciro cya mbere mu itsinda rya mbere.

Kuva ku munota wa 1 kugeza ku wa 45 w'igice cya mbere, umukino waranzwe n'igitutu cyinshi buri wese yiga undi yaba ku ruhande rw'abakinnyi cyangwa abatoza urugero nko ku munota wa 2 gusa ubwo abakinnyi b'amakipe yombi bahuriraga mu kirere batanguranywa umupira byaje gutuma umukino usa nk'uhagarara gato kubera ko Irabizi Regis uzwi ku izina rya Kepo yari aryamye mu kibuga.

Ku munota wa 6, ADDAX SC yaje kubona koroneri ya mbere maze itewe umuzamu Bonheur Kabera awufata neza ndetse no ku munota wa 10 rutahizamu w'iyi kipe aza guhusha igitego cyari cyabazwe kuko yagerageje gutera ishoti mu izamu rya La Jeunesse ariko myugariro ukina ku ruhande rw'ibumoso, Ezze ahita awushyira muri koroneri.

Ku munota wa 14 ikipe ya La Jeunesse nayo yaje guhusha uburyo bw'igitego bwari bugeragejwe na Kepo ku mupira yari ahawe na Loma watakaga anyuze ku ruhande rw'ibumoso.

Ku munota wa 19 Myugariro Ezze yaje kwamburwa umupira na Djavy Djumaini Kapemba wari wambaye nimero 11 ku mugongo cyakora agerageje gushota mu izamu, umupira unyura hejuru y'izamu gato.

Amahirwe yaje gusekera Ikipe ya La Jeunesse ku munota 25 ubwo rutahizamu, Bolila Stephane Loma yatsindaga igitego nyuma yuko abugariraga izamu rya Addax bananiwe kumvikana bikarangira umupira bawubaywaye.

Ku munota wa 40, umukinnyi wa ADDAX, Rukundo Christian wari wambaye nimero 5 mu mugongo yaje kugongana na Kapiteni wa La Jeunesse Ally Cyuzuzo bituma umukino uhagarara iminota ibiri, ku munota wa 45 n'umunota umwe w'inyongera haje kuboneka coup francs ya ADDAX ariko Ange Felix awuteye ashakisha bagenzi be bari birunze mu izamu uruhukira mu biganza bya Bonheur Kabera, igice cya mbere kirangira La Jeunesse iyoboye.

Nyuma y'akaruhuko, amakipe yagarutse mu kibuga n'ubundi umukino ukomereza ku gitutu ariko ikipe ya ADDAX SC ariyo iri hejuru kuko yakunze kugera kenshi imbere y'izamu nubwo amahirwe atabyajwe umusaruro.

Iminota y'umukino yagenwe 90 yarangiye La Jeunesse igifite igitego kimwe ku busa bwa ADDAX bituma ikomeza kuyobora urutonde mu itsinda A.

1.Irakoze Allain(29) G.K

2.Nsengimana Richard(4) Kapiteni

3.Niyonsenga Samuel(3)

4.Niyonshuti Jean Claude(15)

5.Havugimana Athanas3(17)

6.Irankunda Samuel(21)

7.Djavy Djumaini Kapemba(11)

8.Rukundo Christian(5)

9.Twizeyimama Theoneste(28)

10.Ange Felix(19)

11.Kwizera Jean Liene(36)

Abasimbura 

1.Eduard Iratugenera(20)

2.Niyonkuru Tuyisenge Vivien(8)

3.Fabrice Ndutabandi(24)

4.Migambi Kevin(6)

5.Mugisha Herthier(10)

6.Nyirinkindi Saleh(7)

7.Ishimwe Ntwali Jean Damour(40)

8.Isae Songa(9)

9.Musinga Akah Daniel(34)

-Ndemeye Jean Louis(Head Coach)

-Uwintwali Jean Claude(Assistant Coach)

1.Bonheur Kabera(30)

2. Kapiteni Ally Cyuzuzo (2)

3.Isaac Ezze(90)

4.Schadrack Rwakageyo (55)

5.Pacific Mupenzi(17)

6.Jonathan Sibomana(12)

7.John Tshibanda Ntabuwi(88)

8.Abdou Nizeyimana(10)

9.Dushimimana Eric(9)

10.Bolila Stephane Loma(13)

11.Irabizi Regis(8)

1.Benjamin Ntwali(89)G.K

2.Pacific Karisa(28)

3.Habineza Igiraneza Damascene(15)

4.Nick Orly Ajeneza(60)

5.Gad Mugisha(14)

6.Abdoulwhiman Rulinda(21)

7.Pacific Niyotwizera(11)

Litamana Louis Lotombo(Head Coach)

Golden Olvier(Assistant Coch)