Police y'igihugu yaburiye abazajya kuri Stade Amahoro kureba Rayon Sports na APR FC

Police y'igihugu yaburiye abazajya kureba umukino wa Rayon Sports,  ibasaba kuzinduka kuko yiteze umuvundu ,n'urujya n'uruza rw'abantu benshi mu bice bya Remera .

Kuri uyu wa gatandatu saa 18h00 nibwo ruzaba twambikanye hagati ya Rayon Sports na APR FC, uyu mukino wamateka uzitabirwa n'abafana 45,000 kuko amatike yose yamaze gushira , ndetse abafana ku mpande zombi bakaniye , bahize kwitabira uyu mukino.

Police y'igihugu yatanze itangazo , isaba abantu bazajya kureba uyu mukino , ko bagomba kuzinduka , kugirango hirindwe umuvundo , cyane cyane ko stade izafungurwa ku isaha ya saa sita z'amanywa , amaaha 7 mbere yuko umukino utangira.

Police y'igihugu yaburiye abazajya kureba umukino wa Rayon Sports na APR FC 
Ubwo Rayon Sports iheruka gukina na APR FC kuri stade Amahoro , habaye umuvundo ukabije cyane , ndetse bivugwa hari umuntu umwe wahasize ubuzima , mu rwego rwo kwirinda ko ibi byago byakongera kubaho , Police y'igihugu n'izindi nzego , babafashe ingamba  zikomeye ku mikino yose ibera kuri stade Amahoro.