Rayon Sports yaguye miswi na APR FC mu mukino witabiriwe n'ingeri zitandukanye

Mu ijoro ryo kuri uyu wa Gatandatu tariki 07 Ukuboza 2024, Nibwo ikipe ya Rayon Sports yanganyije na APR FC ubusa ku busa (0-0) mu mukino wa shampiyona wari wabereye kuri Stade Amahoro, witabiriwe n'imbaga nyamwinshi.

Ni umukino w'ikirarane cy'Umunsi wa Gatatu wa Shampiyona witabiriwe ku rwego rushimishije, dore ko Stade Amahoro yari yakubise yuzuye mu myanya yose yicaramo abantu ibihumbi 45.

Rayon Sports igumye ku mwanya wa mbere n'amanota 30 mu gihe APR FC ifashe umwanya wa gatanu n'amanota 19, iyanganya na Police FC ya kane ndetse na Gasogi United ya gatandatu.

Mu mikino y'Umunsi wa 12 wa Shampiyona yabaye kuri uyu wa Gatandatu, Bugesera FC yatsinzwe na AS Kigali ibitego 2-1, Etincelles FC itsindwa na Gorilla FC igitego 1-0 naho Mukura VS itsinda Amagaju FC igitego 1-0.