Nsabimana Celestin yagizwe umusifuzi mpuzamahanga Nsoro na Nonati barasezera

Byukusenge Henriette na Ndabimana Celestin, bagizwe basifuzi mpuzamahanga , mu gihe Ruzindana Nsoro na Bwiriza Nonati bambuwe icyo cyapa,  cyo kuba abasifuzi ba FIFA.

Ku  gicamunsi cyo kuri uyu wa kabiri , nibwo amakuru yari amaze iminsi anugwanugwa yabaye impamo, ubwo byemezwaga ko Nsabimana Celestin na Habumugisha Emmanuel , basifura muri Rwanda Premier league ,bagizwe abasifuzi mpuzamahanga , biyongeraho Byukusenge Henriette usifura icyiciro cya mbere mu bagore.

Habuze gato ngo umwaka ushize Celestin agirwe mpuzamahanga 

Nsabimana Celestin yasimbuye Ruzindana Nsoro , amakuru dufite ni uko uyu musifuzi uri mu bakomeye mu Rwanda azasezera muri uyu mwuga ,nyuma wuyu mwaka w'imikino, Habumugisha Emmanuel ni umusifuzi wo kuruhande nawe wagizwe mpuzamahanga , uyu musore we yasimbuye Bwiriza Nonati , we wamaze kuba ahagarika ibyo gusifura ,nyuma yaho mbere yuko umwaka w'imikino utangira yatsinzwe ikizamini cy'imbaraga ( physical test ) .

Amakuru avuga ko nyuma yuko Ruzindana Nsoro atangaje ko azasezera umwuga wo gusifura , byabaye ihurizo muri komisiyo y'abasifuzi , kumuntu uzamusimbura , aha byatekerezwaga hagati ya Nsabimana Celestin na Nshimiyimana Remy Victor , gusa byarangiye bahisemo Celestin .

Ruzindana Nsoro yahagaritse ibyo gusifura 

Henriette usifura icyiciro cya mbere mu bagore nawe yahawe icyapa cya FIFA 

Bwiriza Nonati nyuma yo gutsindwa ikizamini cy'imbaraga yahise yamburwa icyapa cya FIFA