Hertier Luvumbu afashije Rayon Sports gutsinda Gorilla FC yongera kwiyunga n'abafana

Ikipe ya Rayon Sports itsinze Gorilla FC ,igitego 1-0 mu mukino w'umunsi wa 17 wa Shampiyona yongera kwiyunga n'abafana bari bamaze iminsi bayirakariye.

Wari umukino w'umunsi wa 17 wa Shampiyona, ukaba n'umukono wa 2 , ikipe ya Rayon Sports yari igiye gukina idafite umutoza , ugomba ku hagera mu masaha y'ijiro, mu gihe umutoza w'abazamu we yari muri stade , ikipe ya Gorilla FC yaherukaga gustinda Etincelles FC 2-1 , mu gihe Rayon Sports yaherukaga gutsindwa na Gasogi United 2-1 , hari ku munsi wa 16 wa Shampiyona, ikipe ya Rayon Sports yari yagaruye abakinnyi bayo bakomoka muri Uganda , barimo Charles Bbaale na Joachim Ojera babanje mu kibuga mu gihe Simon Tamale yari ku ntebe y'abasimbura.

Ikipe ya Rayon Sports watangiranye imbaraga nyinshi, ndetse ku munota wa 9 w'umukino, Hertier Luvumbu ahusha uburyo bwabazwe ,wenyine imbere y'izamu, ku munota wa 12 Charles Bbaale yonyege gutera ishoti rikomeye mu izamu , ariko umuzamu Dauda amubera ibamba, amakipe yombi yakomeje gushaka uburyo ,ariko ntibabashe kububyaza umusaruro cyane cyane ku ruhande rwa Rayon Sports, ku munota wa 42 Hertier Luvumbu yafunguye amazamu kuri kufura yakorewe Joachim Ojera maze umupira awushyira neza mu rushundura. Rayon Sports yongeye kubona uburyo bukomeye imbere y'izamu ariko ntiyabasha kububyaza umusaruro ,igice cya mbere kirangira ari igitego 1-0.

Charles Bbaale nubwo ataherukaga gukina ariko yagoye ba myugariro ba Gorilla FC 

Igice cya 2 cyatangiye ikipe ya Gorilla ikora impinduka , gusa Rayon Sports yo yakomereje ku muvuduko yasozanyije igice cya mbere , ndetse ku munota wa 55 Rwatubyaye Abdul, yagerageje uburyo bukomeye ariko umupira uca hanze y'izamu gato, ku munota wa 71 Rayon Sports yakoze impinduka ya mbere Ishimwe Elie Ganijuru asimbura Joachim Ojera, ku munota wa 79 ikipe ya Gorilla FC yagerageje uburyo ku ishoti rikomeye ariko umuzamu Ndiyaye umupira awukuramo mu buryo bigoye cyane , ku munota wa 84 , Rayon Sports yashoboraga kubona igitego cya 2 , ariko umupira wari uhinduwe imbere y'izamu na Iraguha Hadji wari ugiyemo asimbuye , Charles Bbaale awutera hanze y'izamu.

Hertier Luvumbu yongeye gutsinda igitego kuri kufura ku nshuro ya 3 yikurikiranya

Iminota ya nyuma y'umukino ikipe ya Gorilla FC, yakoresheje imbaraga nyinshi ishaka uko yakwishyura, ndetse ikabona uburyo bufatika ariko ntibashe kububyaza umusaruro, ndetse umukino urangira ari igitego 1-0 .