02:52:47
BPlus Tv
Super Fresh
Rwanda Form
KeySoft
Matelas Dodoma
AFCON2023: Côte d’Ivoire yegukanye igikombe itsinze Nigeria yahabwaga amahirwe-Amafoto
Yanditswe na: DUSHIMIMANA Elias
2024-02-12 04:51:36 Imikino
Mu ijoro ryo kuri iki Cyumweru tariki ya 11 Gashyantare 2024, Nibwo Ikipe y’Igihugu ya Côte d’Ivoire yegukanye Igikombe cya Afurika cya 2023 nyuma yo gutsinda iya Nigeria ibitego 2-1 ku mukino wa nyuma.
Iyi kipe batazira Inzovu (Les Eléphants) yacyegukanye yiyushye akuya kuko yari yabanje kwinjizwa igitego mu gice cya Mbere ku gitego cyinjijwe na Kapiteni Nigeria, William Troost-Ekong ku munota wa 38.
Mu gice cya Kabiri amakipe yombi yatangiye ashakisha uburyo bwose bwabyara igitego cyane cyane Cote d'Ivoire yari iri ku gitutu cyo kwishyura igitego cyo kwishyura yari yatsinzwe hanyuma iza kubigeraho ku munota wa 62 ubwo Frank Kessié yayiboneraga igitego cya mbere ndetse na Sébastien Haller ayibonera igitego cya kabiri ku munota wa 81.
Iyi ntsinzi yatumye Côte d’Ivoire yegukana Igikombe cya Afurika ku nshuro ya gatatu kuko yagiheruka mu 2015, mu gihe yagitwaye ku nshuro ya mbere mu 1992.
Amafoto:
