AMAFOTO : Circle Sportif de Karongi yihariye ibihembo mu irushanwa rya Open Water ryabereye iRwamagana

Iri rushanwa ryitabiriwe n’abakinnyi basaga 70, ryateguwe n’ishyirahamwe ry’umukino wo koga mu Rwanda “RSF”, ku bufatanye n’abafatanyabikorwa barimo Akarere ka Rwamagana, Intara y’i Burasirazuba, Minisitiri ya Siporo n’abandi, ni rushanwa ryitabiriwe n’abakinnyi bahagarariye amakipe agizwe na: Rwamagana Canoe Aquatics and Sports Club, Vision Jeunesse Nouvelle, Les Daulphins, Gisenyi Beach Boys, Rubavu Sporting Club, Rwesero, Cercle Sportif de Karongi, Aqua Wave .

Ryakinwe mu byiciro bitanu (5), birimo: metero 200, 400, 800, 1500, 3000 na 5000, abakinnyi bato baryitabiriye bari hagati y’imyaka 12-14, aba bakaba bakinnye intera ya metero 400, abari hagati y’imyaka 15-17 bakina metero 800, mu gihe kuva ku myaka 18 bakinnye intera ya Metero 1500, 3000 na Metero 5000, Akimana Ratifah w'ikipe ya Les Daulphins niwe wegukanye umwanya wa mbere mu bakobwa muri metero 400, mugihe mu bahungu ryegumanwe na Mugisha Nicolas ukinira ikipe ya Cercle Sportif de Karongi.

Ibindi byiciro twavuga harimo nka metero 800 , umwanya wa mbere wegukanwe na Akafikumutima Claudine ,umikinira Cercle Sportif de Karongi, muri metero 3000 Byiringiro Christian wimyaka 15 ukinira ikipe Cercle Sportif de Karongi niwe wegukanye umwanya wa mbere asize abandi iminota 6 , mu bakobwa Akafikumutima Emerita niwe wasize abandi , muri metero 5000 Iradukunda Eric nawe wa Cercle Sportif de Karongo niwe wabaye uwa mbere , mugihe mu bakobwa Nyirabenda Neema niwe wasize abandi .

Umuyobozi w'ishyirahamwe ry'umukino wo koga mu Rwanda, Madam Pamela Girimbabazi , yavuze ko bishimiye impano babonye mu karere ka Rwamagana, ndetse ko bagiye gukorana n'ubuyobozi bw'intara , mu magambo ye yagize ati " Icyambere tuhakuye ni uko dusanze hari impano zikomeye , n'ubuyobozi bw'intara bwatwijeje ubufatanye , no kuzamura impano z'urubyiruko muri Sports , mu ntara y'iburasirazuba , ndetse no kuzahategurira ibikorwa bitandukanye."

Ni irushanwa ryakurikiranywe n’abayobozi munzego zitandukanye , ACP Elias Mwesigye umuyobozi w'ishami rya Police rishinzwe umutekano mu mazi , RPC Eastern Region Innocent Rutagarama, Colonel Majyambere Umuyobozi wa Division ya 5 military, Umuyobozi w’Intara y’i Burasirazuba, RUBINGISA Pudence, Umunyamabanga uhoraho muri Minisiteri ya Siporo, NIYONKURU Zephanie, Meya w’Akarere ka Rwamagana, Mbonyumuvunyi Radjab, ni imikino kandi yitabiriwe n'abaturage benshi bari baryohewe n'umukino wo koga .