Kuzana abanyamahanga mu Amavubi ntabwo ari ibintu byo kwirukira n'ubwo amarembo agifunguye PS Zephanie

Kuwa Gatanu taliki ya 15 Werurwe , umutoza w'ikipe y'igihugu y'uRwanda Amavubi Torstene Frank Spettler , yavuze ko kuzana abakinnyi b'abanyamahanga mu ikipe y'igihugu, ari igikorwa kigomba kuyoborwa na Ministeri ya Sports , kuko ariyo ifite uburenganzira bwo kubasabira ibyangombwa , yavuze ko bo nk'abatoza hari abakinnyi babonye, ndetse bashimye urwego rwabo, ariko ko bidahagije ngo bahite baza mu ikipe y'igihugu, kuko atari abatoza babigena .

Aganira na btnrwanda.com , umunyamabanga wa leta uhoraho muri Ministeri ya Sports, bwana Niyonkuru Zephanie yagize ati " si mu mupira w'amaguru gusa ni mu mikino yose bitewe nicyo amategeko mpuzamahanga aba ateganya , si igitangaza ko umunyamabanga ashobora kuza , akaba yahabwa ubwenegihugu akaba yakina." yavuze ko ku mupira w'amaguru ho babireba akantu ku kandi, bakareba ko ibikenewe byose nyuzuye , kuko inshuro nyinshi babonye ko iyo bihubukiwe , bishobora kugira ingaruka mbi ku gihugu .

Yatanze urugero kurwo muri 2014 ubwo uRwanda rwaterwaga mpaga , kubera gukinisha Tady Agiti Etekiama uzwi nka Birori Daddy , wari warahinduriwe amazina , bityo agira ibyangombwa 2 kandi FIFA itabyemera, Ati " hari igihe uhura n'umukinnyi wakinnye ahandi , cyangwa wahinduye amazi , ni ukuvuga ngo hazamo icyo kintu cyo kuba ashoboye , ariko hakanazamo icyo kuvuga ngo byakozwe uko bikwiriye , bitaribyo havamo ibyo mwagiye mubona , ibya Birori Daddy n'abandi , ntabwo ari ibintu abantu birukira , icyangombwa aba ari ukuba umukinnyi yabonetse , yujuje ibisabwa ".

Bwana Niyonkuru Zephanie yavuze ko , haribyo ishyirahamwe ry'umupira w'amaguru mu Rwanda FERWAFA, riba risabwa gukora bijyanye no kumenya ubuhanga n'ubushobozi bw'umukinnyi ariko na minisiteri iba igomba gukurikirana , niba koko uwo mukinnyi nta bibazo azateza igihugu , yemeje ko amarembo afunguye ku mukinnyi uwariwe wese , uzagaragaza ubuhanga , ubushacye ndetse akaba yujuje ibisabwa n'amategeko .

Muri 2014 uRwanda rwahaye ubwenegihugu Tady Agiti Etekiama, ukomoka kuri repubulika iharanira demokarasi ya Congo, uyu musore yari yarahinduye amazina yitwa Birori Daddy , ibintu byatumye uRwanda ruterwa mpaga n'ikipe y'igihugu ya Congo Brazzaville, nyuma yuko FIFA isanze uyu mukinnyi , afite ibyangombwa 2 , ibi byagize ingaruka zikomeye ku bandi bakinnyi bari barakiniye uRwanda ariko batarahabwa ubwenegihugu bwuzuye , bahise bamburwa ibyangombwa bakoreshaga ( passport de service ) ndetse bamwe bibateza ibibazo bikomeye, gusa abarimo Meddy Kagere baje guca mu nzira z'amategeko bongera gukinira Amavubi .

Nyuma y'imyaka 11 ibyo bibaye , uRwanda rwari rwongeye gutekereza ko, icyashoboka cyose cyakorwa,  ariko Amavubi agakora akaba yasubira mu gikombe cya Africa , ruherukamo mu myaka 20 ishize , ibi byatumye ishyirahamwe ry'umupira w'amaguru mu Rwanda FERWAFA, ritangira gushaka abanyamahanga bashobora kwemera gukinira Amavubi , gusa haje umwe gusa, umunya Cote D'Ivoire Gerard Bi Gohou ,wakiniraga FC Aktobe yo muri Kazakhstan, gusa yakinnye imikino 3 gusa ya gicuti ntiyagaruka