Rayon Sports y'abagore itwaye igikombe cya shampiyona ikora amateka yaherukaga gukorwa n'ikipe itakibaho

Wari umukino ubanziriza uwanyuma kuri Rayon Sports WFC , ikaba yahise irusha AS Kigali WFC , amanota 10 mugihe yo isigaje imikino 3 y'amanota 9 bivuze ko nibwo yayitsinda yose ,Rayon Sports igatsindwa umukino wa nyuma ,ntabwo yakuramo amanota irushwa , Ikipe ya Rayon Sports WFC yagowe no gufungura amazamu, kuko igitego cya Mukandayisenga Jeannine cyaje ku munota wa 67 .

Umwaka ushize w'imikino nibwo ikipe ya Rayon Sports y'abagore yashinzwe , itangirira mu cyiciro cya 2 gusa ntiyatinzeyo , kuko yahise itwara igikombe ndetse izamuka mu cyiciro cya mbere, iyi kipe yari yaraguze abakinnyi bakomeye , barimo nka Kalimba Alice, Mukantaganira Joseline, Uwase Andersen,Mukeshimana Dorothe, umunya Kenya Judith Otieno n'abandi batandukanye , ikizamuka , yongeyemo abandi bakinnyi batandukanye barimo abavuye kuri AS Kigali nka Nibagwire Libele, Kayitesi Alodie na Uwimbabazi Immaculate , aba biyongeraga kuri Itangishaka Claudine , Mukandayisenga Jeannine nabandi bari bavuye muyandi makipe .

Aba bakinnyi bayifashije gutsinda AS Kigali mu mukino w'umunsi wa 13 wa Shampiyona, byanatumye itangira gushyiramo ikinyuranyo hagati yayo nuyu mucyeba , amakipe yombi yari yarakomeje kunganya amanota , kugeza AS Kigali itangiye gucika intege kubera amikoro, ndetse nuko gutakaza abakinnyi bakomeye , AS Kigali niyo yari yarihariye ibikombe , kuko yaherukaga gutakaza igikombe cya shampiyona muri 2019 ubwo yagitwarwaga na Scandinavian WFC yaje gusenyuka .