22:26:33
BPlus Tv
Super Fresh
Rwanda Form
KeySoft
Matelas Dodoma
Afurika: Umukinnyi mpuzamahanga yitabye Imana bikekwa ko yiyahuye
Yanditswe na: DUSHIMIMANA Elias
2024-03-28 07:07:37 Imikino
Mu rukerera rwo kuri uyu wa Gatatu tariki 27 Werurwe 2024, Nibwo hamenyekanye amakuru y'urupfu rwa Alelegn Azene w’imyaka 26 wakinaga muri Shampiyona y’icyiciro cya mbere muri Ethiopia,bikekwa ko yiyahuye nyuma yo gushaka umugore binyuze mu migenzo.
Amakuru ku rupfu rw'uwari umukinnyi wo hagati mu ikipe ya Bahir Dar City, avuga ko Alelegn aherutse gushyingirwa mu migenzo y’itorero ryitwa Ethiopian Orthodox Tewahedo Church.
Ikinyamakuru Supersport gitangaza ko nyakwigendera, yamenyekaniye mu ikipe y'iwabo yitwa Arbaminch, kuva mu mwaka w'imikino wa 2016/17, 2018/19 ahava yerekeza mu ikipe ya Hawassa City nabwo mu gihe cy'imyaka ibiri mbere yuko asinya amasezerano y'imyaka ibiri mu ikipe Bahir Dar City , yari ari gukinira mbere yuko yitaba Imana.
Uyu Munyatiyopiya, mu mwaka w'imikino wa 2022/23, mu mikino 27 yakiniye Bahir Dar City yayitsinzemo ibitego 5.
Kugeza ubu ntakiramenyekana ku cyaba kihishe inyuma y'urupfu rwe cyangwa ngo hamenyekane icyaba cyamuteye kwiyahura nkuko bikekwa.
