04:26:03
BPlus Tv
Super Fresh
Rwanda Form
KeySoft
Matelas Dodoma
Uganda: Umuvandimwe wa Jose Chameleone yitabye Imana azize kanseri
Yanditswe na: DUSHIMIMANA Elias
2024-03-30 16:21:40 Amakuru
Mu gitondo cyo kuri uyu wa Gatandatu tariki 30 Werurwe 2024, Nibwo muri Uganda hamenyekanye inkuru y'incamugongo ibika Humphrey Mayanja umuvandimwe wa Jose Chameleone, Weasel na Pallaso witabye Imana.
Bimwe mu binyamakuru bikorera muri Uganda, byavuze ko nyakwigendera wari mukuru w’ibi byamamare yitabye Imana azize indwara ya Cancer yari amaze igihe ahanganye nayo mu bitaro bya Mulago.
Ikinyamakuru Nilepost dukesha iyi nkuru, kivuga ko mu mpeshyi y’umwaka WA 2023 aribwo byamenyekanye ko uyu mugabo yari arwaye Cancer nyuma y’uko agiye kwivuriza muri Leta Zunze Ubumwe za Amerika.
Icyakora mu minsi ishize nibwo umuryango we wafashe icyemezo cyo kumugarura mu rugo kugira ngo yivurize hafi y’umuryango we atangira kwitabwaho n’Ibitaro bya Mulago.
