VOLLEYBALL: APR yihereranye Ruhango Police yigobotora RRA

Ikipe ya APR Women Volleyball Club na Police Women Volleyball Club zatangiye zitwara neza mu mikino ya mbere ya kamarampaka, ikipe ya APR ikaba yatsinze itababariye Ruhango amaseti 3-0 , naho Police itsinda Rwanda Revenue Authority amaseti 3-2 .

Kuri uyu wa Gatanu , nibwo hatangiye imikino ibanza ya kamarampaka muri Volleyball, aho bagomba gutanguranwa imikino 2 , kugirango hamenyekane amakipe 2 ajya ku mukino wa nyuma , Ikipe ya APR WVC na Ruhango nizo zabanje mu kibuga , maze muburyo budatinze ikipe ya APR WVC itsinda amaseti 3-0 , ( 25-16, 25-11 na 25-15 ), ikipe ya Ruhango isanzwe ikinisha abakinnyi bakiri bato, ndetse biga mu mashuri yisumbuye , ntabwo yabashije kwikura imbere yaba bakobwa ba APR WVC , biganjemo abasanzwe bakinira ikipe y'igihugu.

Ikipe ya APR WVC yatangiye itsinda Ruhango 

Amakipe ya Police WVC na RRA niyo yahise akurikira , ikipe ya Police niyo yatangiye neza ndetse itsinda iseti ya mbere , ku manota 25-21 ya RRA, ikipe ya RRA yahise isubiza bwangu itwara iseti ya 2 ku manota 25-19 ya Police , mu gihe benshi bacyekaga ko Police igiye kongera kwigaranzura RRA , ntabwo ariko byagenze kuko iseti ya 3 nayo yatwawe niyi kipe y'ikigo cy'imisoro n'amahoro , mu manota 25-13 , lkipe ya Police yahise ihindura umukino ku iseti ya 4 , iyobora umukino kugeza iyitwaye ku manota 25-22, ndetse yegukana iseti ya 5 ku manota 15-12.

Umutoza Elie Mutabazi utoza RRA , avuga ko yishimiye umusaruro abakobwa be batanze ,ko kuba babasha guhanga na Police ubwabyo bidasanzwe, akomeza avuga ko abakinnyi be bagize igihunga kuko abenshi ari bashya , ndetse avuga ko kuba ikipe ye itaramenyerana ,nabyo ari imbogamizi , aya makipe yombi agomba gusubira mu kibuga ku munsi wejo kugirango bishakemo itsinda imikino 2 , ijye ku mukino wa nyuma .

Umukino wa Police WVC na RRA ntabwo wari woroshye 

Ibyishomo byari byose kuri Police WVC