AFRIMMA2023: Meddy yakubiswe inshuro na Diamond ataha amara masa

Mu ijoro ryo ku Cyumweru tariki 17 Nzeri 2023,Nibwo mu Mujyi wa Dallas muri Leta ya Texas hatanzwe ibihembo byabahanzi batanye mü marushanywa ya AFRIMMA byatangwa ku nshuri ya 10.

Meddy wari umuhanzi rukumbi wo mu Rwanda uhatanye muri All Africa Muzik Magazine Awards (AFRIMMA 2023) yatashye amara masa muri ibi bihembo byatanzwe ku nshuro ya cumi.

Ngabo Médard Jobert ’Meddy’ wari uhatanye mu Cyiciro cy’Umuhanzi wahize abandi muri Afurika y’Iburasirazuba (Best Male East Africa) yahigitswe na Diamond Platnumz.

Meddy uheruka gushyira hanze indirimbo nshya mu mezi atandatu ashize yari ahatanye n’abarimo Lij Michael wo muri Ethiopia, Abanya-Kenya Nyashinski na Bien-Aimé Baraza wahoze muri Sauti Sol, Eddy Kenzo wo muri Uganda, Diamond Platnumz, Mbosso na Harmonize bo muri Tanzania na Single Dee wo muri Sudani y’Epfo.