INKURU ZIHERUKA
Harmonize yongeye gutandukana na Kajala aherutse kwambika impeta- Hon. Nyirasafi Esperance niwe wabaye Perezida wa Sena y'u Rwanda wagateganyo
- Perezida wa Sena y'u Rwanda yeguye
- Imikino y'abafite ubumuga: shampiyona ya Wheelchair Basketball yagarutse
- Tennis: Rwanda Open itegerejwemo abasaga 150
- Umuri Foundation izasangira iminsi mikuru n'abana
- Habaye kwinga amarozi ku munsi wa Gorilla na Rayon
- Keza Terisky aritegura kwibaruka nyuma yo gutandukana n�uwo biteguraga kurushinga
Abahanga baravuga ko indwara z'umwijima zitavuwe neza zatera indwara ya cancer y'umwijima
Wpfreeware Views:158 August 02, 2022 UBUZIMA
Abahanga mu buzima baburiye abantu ko zimwe mu ndwara z'umwijima iyo zitavuwe neza, zitera ibibazo birimo indwara y'urushwima na cancer z'umwijima, basabwe kwisuzumisha kugira ngo bamenye uko ubuzima bwabo buhagaze.
Abahanga mu buzima bavuga ko n'ubwo hari ubwoko 5 bwa Hepatite, ni ukuvuga A kugera kuri E, Hepatite B na C arizo zishyirwamo imbaraga cyane bitewe n'uko iyo zitavuwe neza zitera ibibazo birimo indwara y'urushwima na cancer z'umwijima.
Minisiteri y'Ubuzima ivuga ko gahunda y'igihugu yo kurandura indwara z'umwijima yashyizweho mu mwaka wa 2018 yatumye abantu hafi miliyoni 7 bapimwa indwara ya Hepatite C, muri bo abantu hafi ibihumbi 60 barayivuwe barakira.
Abagera kuri miliyoni 4 bo bapimwe Hepatite B, muri abo abagera ku bihumbi 7 bashyizwe ku miti bafata ubuzima bwabo bwose.
Abarenga miliyoni 7 barimo abana n'abantu bakuru nibo bamaze guhabwa urukingo rwa Hepatite B.
Minisitiri w'Ubuzima, Dr. Daniel Ngamije avuga intambwe yatewe mu kurwanya indwara z'umwijima itagomba gusubira inyuma.
Minisiteri y'ubuzima ihamagarirwa intego zikurikira arizo ,icya mbere ni ukugabanya ubwandu bushya bwa hepatite ku kigero cya 90%, icya kabiri ni ukugabanya impfu ziturutse kuri hepatite harimo iziterwa n'urushwima na cancer ku kigero cya 65%. Icya 3 ni ugukora ku buryo 90% by' abafite hepatite B na C bapimwa,icya 4 ari nacyo cya nyuma ni ugukora ku buryo 80% by'abakeneye ubuvuzi babona ubuvuzi bukwiye bakeneye.
Minisiteri y'ubuzima ivuga ko kuri ubu mu Rwanda hari uburyo bwihuse bwo gupima indwara za Hepatite, ku buryo igisubizo kigaragara mu minota 20. OMS ivuga ko buri mwaka ku isi, Hepatite B na C zica abantu barenga miliyoni miliyoni 1 n'ibihumbi 100 ni ukuvuga umuntu 1 buri masegonda 30 naho abarenga miliyoni 3 bandura izo ndwara buri mwaka.
