INKURU ZIHERUKA
Harmonize yongeye gutandukana na Kajala aherutse kwambika impeta- Hon. Nyirasafi Esperance niwe wabaye Perezida wa Sena y'u Rwanda wagateganyo
- Perezida wa Sena y'u Rwanda yeguye
- Imikino y'abafite ubumuga: shampiyona ya Wheelchair Basketball yagarutse
- Tennis: Rwanda Open itegerejwemo abasaga 150
- Umuri Foundation izasangira iminsi mikuru n'abana
- Habaye kwinga amarozi ku munsi wa Gorilla na Rayon
- Keza Terisky aritegura kwibaruka nyuma yo gutandukana n�uwo biteguraga kurushinga
Muri Kiyovu haravugwa abayobozi beguye bucece
Wpfreeware Views:67 July 27, 2022 IMIKINO
Bamwe mu bayobozi bari muri Komite Nyobozi ya Kiyovu Sports iyobowe na Mvukiyehe Juv�nal, biravugwa bamaze kwegura ariko byagizwe ibanga.
Hashize imyaka ibiri komite nyobozi ya Kiyovu Sports itorewe kuyobora iyi kipe mu gihe cy'imyaka itatu iri imbere. Bisobanuye ko iyi komite isigaje umwaka umwe kuri manda yayo.
Nyuma yo gusoza ku mwanya wa Kabiri muri shampiyona y'umwaka ushize w'imikino, muri komite ya Kiyovu haravugwamo kudahuza.
Ikigezweho muri iyi kipe, ni amakuru avuga iyegura rya bamwe mu bari komite yayo. Abavugwa ni visi perezida wa Mbere, Mutijima Hector n'Umunyamabanga Mukuru, Munyengabe Omar.
Gusa andi makuru BTN yamenye avuga ko uwamaze kwegura muri aba bombi ari Mutijima Hector wari usanzwe ari visi perezida wa Mbere muri iyi kipe ariko Munyengabe we akaba atarafata uwo mwanzuro.
Impamvu yo kwegura kw'aba bayobozi bombi, bivugwa ko ari ukubera ko perezida wa Kiyovu, Mvukiyehe ari we ufata ibyemezo byose ku buzima bw'ikipe.
BTN yifuje kumenya icyo ubuyobozi bw'iyi kipe yo ku Mumena buvuga kuri aya makuru, ariko Umunyamabanga Mukuru, Munyengabe Omar ntiyabasha kwitaba telefone ye igendanwa.
Abandi bagize komite nyobozi ya Kiyovu Sports, ni Ntiranyibagurwa Ange usanzwe ari visi perezida wa Kabiri na Kayiganwa Angelique usanzwe ari umubitsi w'ikipe.
Ikipe yo yatangiye imyitozo iri gukorera ku Mumena kabiri ku munsi, ariko nta mutoza mukuru irabona kuko iri gutozwa na Mateso usanzwe ari umuyobozi wa Tekinike muri iyi kipe.
