INKURU ZIHERUKA
Harmonize yongeye gutandukana na Kajala aherutse kwambika impeta- Hon. Nyirasafi Esperance niwe wabaye Perezida wa Sena y'u Rwanda wagateganyo
- Perezida wa Sena y'u Rwanda yeguye
- Imikino y'abafite ubumuga: shampiyona ya Wheelchair Basketball yagarutse
- Tennis: Rwanda Open itegerejwemo abasaga 150
- Umuri Foundation izasangira iminsi mikuru n'abana
- Habaye kwinga amarozi ku munsi wa Gorilla na Rayon
- Keza Terisky aritegura kwibaruka nyuma yo gutandukana n�uwo biteguraga kurushinga
Kaizer Chiefs yaguze Bonfils Caleb
Wpfreeware Views:76 August 19, 2022 IMIKINO
Umukinnyi mpuzamahanga ukomoka mu gihugu cy'u Burundi, Bimenyimana Bonfils Caleb uherutse kwifuzwa cyane na Rayon Sports, yerekanywe nk'umukinnyi mushya wa Kaizer Chiefs yo muri Afurika y'Epfo.
Ni nyuma yo gukorera imyitozo mu ikipe ya Rayon Sports ariko yasabwa kuyisinyira, Bonfils Caleb akabwira ubuyobozi ko hari indi kipe yumvikanye nayo.
Kuri uyu wa Kane ni bwo ubuyobozi bwa Kaizer Chiefs bubicishije ku mbuga nkoranyambaga zabwo, bwatangaje ko Bimenyimana Bonfils Caleb ari umukinnyi mushya w'iyi kipe mu myaka ibiri iri imbere ariko ishobora kongerwaho umwaka umwe.
Uyu musore w'imyaka 28, yavukiye i Burundi ku mubyeyi umwe w'Umunyarwanda n'umwe w'Umurundi. Akina aca ku ruhande mu guce cy'ubusatirizi.
Caleb wageze muri Rayon Sports mu 2017 akayivamo mu 2019, aherutse kugaragara aza gusuhuza abakunzi b'iyi kipe ku munsi wo kwerekana abakinnyi iyi kipe izakoresha muri uyu mwaka w'imikino 2022/2023.
Yakiniye amakipe arimo Rigas FC yo muri Latvia ariko aza gutizwa muri Atlantas, anakinira kandi Vitalo'o FC y'iwabo i Burundi.
