INKURU ZIHERUKA
Harmonize yongeye gutandukana na Kajala aherutse kwambika impeta- Hon. Nyirasafi Esperance niwe wabaye Perezida wa Sena y'u Rwanda wagateganyo
- Perezida wa Sena y'u Rwanda yeguye
- Imikino y'abafite ubumuga: shampiyona ya Wheelchair Basketball yagarutse
- Tennis: Rwanda Open itegerejwemo abasaga 150
- Umuri Foundation izasangira iminsi mikuru n'abana
- Habaye kwinga amarozi ku munsi wa Gorilla na Rayon
- Keza Terisky aritegura kwibaruka nyuma yo gutandukana n�uwo biteguraga kurushinga
Amavubi U23 yageze muri Libya
Wpfreeware Views:61 September 23, 2022 IMIKINO
Nyuma y'urugendo rugoye rwaciye i Doha muri Qatar, Istanbul, ikipe y'Igihugu y'u Rwanda mu batarengeje imyaka 23 yageze muri Libya mu Mujyi wa Benghazi ahazakinirwa umukino wa Mbere wo gushaka itike yo kujya mu gikombe cya Afurika kizaba umwaka utaha.
Iyi kipe y'Igihugu yahagurutse mu Rwanda kuwa Kane tariki 22 Nzeri Saa tanu z'ijoro, ica i Doha muri Qatar, ikomereza i Istanbul muri Turukiya, ibona kugera muri Libya mu Mujyi wa Benghazi.
Biteganyijwe ko umukino wa Mbere uhuza Libya y'abatarengeje imyaka 23 n'u Rwanda muri icyo cyiciro, ukinwa kuri uyu wa Gatanu Saa moya z'ijoro.
Umukino wo kwishyura uteganyijwe tariki 27 Nzeri 2022 kuri stade mpuzamahanga ya Huye. Ikipe izasezerera indi muri izi, izahita ihura na Mali itarakinnye mu ijonjora rya Mbere.
Mu gihe izaba yasezereye indi yazasezerera na Mali, izahita ikomeza mu rindi jonjora rya Gatatu rizatanga ikipe zizajya mu gikombe cya Afurika cy'abatarengeje imyaka 23 kizabera muri Maroc mu 2023.
