INKURU ZIHERUKA
Harmonize yongeye gutandukana na Kajala aherutse kwambika impeta- Hon. Nyirasafi Esperance niwe wabaye Perezida wa Sena y'u Rwanda wagateganyo
- Perezida wa Sena y'u Rwanda yeguye
- Imikino y'abafite ubumuga: shampiyona ya Wheelchair Basketball yagarutse
- Tennis: Rwanda Open itegerejwemo abasaga 150
- Umuri Foundation izasangira iminsi mikuru n'abana
- Habaye kwinga amarozi ku munsi wa Gorilla na Rayon
- Keza Terisky aritegura kwibaruka nyuma yo gutandukana n�uwo biteguraga kurushinga
Amapfa ya mbere mabi cyane mu myaka 40 ishize arimo kwibasira akarere k'ihembe ry'Afurika.
Wpfreeware Views:62 July 19, 2022 AMAKURU
Amapfa ya mbere mabi cyane mu myaka 40 ishize arimo kwibasira akarere k'ihembe ry'Afurika.
Ishami ry'umuryango w'abibumbye ryita ku biribwa (PAM/WFP) rivuga ko abantu miliyoni 20 muri Kenya, Ethiopia na Somalia bari mu byago byo kwicwa n'inzara bitarenze mu mpera y'uyu mwaka.
Somalia ni yo yibasiwe cyane kuri ubu, aho kimwe cya kabiri cy'abaturage bayo miliyoni 16 ubu bafite inzara.
Abantu babarirwa mu bihumbi amagana barimo guta ingo zabo mu byaro byo muri Somalia, bakerekeza mu nkambi z'imbere mu gihugu.
Imirima yabo yambaye ubusa, imyaka yabo yararumbye, ndetse amatungo yapfuye anyanyagiye ku nkengero z'imihanda. Aya ni yo mapfa ya mbere mabi cyane abayeho muri iki gihugu mu myaka 10 ishize, nkuko inzobere zibivuga.
Mu nkambi hari abana babarirwa mu bihumbi batari kumwe n'imiryango yabo. Abo bavukana bakuru ni bo bahindutse abo kubitaho, naho ba se bagiye mu mijyi gushakisha ibyo kurya, mu gihe ba nyina bari mu bitaro aho ikigero cy'imirire mibi kiri ku rwego rwo hejuru cyane rutari rwarigeze rubaho mbere.
Ubu harimo gutangazwa ko hari abapfuye. Mu kigo kiri i Baidoa, abana batari munsi ya 26 barapfuye hagati y'ukwezi kwa gatanu n'ukwa gatandatu, nkuko imibare ibigaragaza.
Umuryango wita ku bana, Save the Children, uvuga ko mu bana no mu babitaho urimo kubona ukwiyongera kw'ikibazo cy'umuhangayiko mu mitekereze ushingiye ku mibereho.
