INKURU ZIHERUKA
Harmonize yongeye gutandukana na Kajala aherutse kwambika impeta- Hon. Nyirasafi Esperance niwe wabaye Perezida wa Sena y'u Rwanda wagateganyo
- Perezida wa Sena y'u Rwanda yeguye
- Imikino y'abafite ubumuga: shampiyona ya Wheelchair Basketball yagarutse
- Tennis: Rwanda Open itegerejwemo abasaga 150
- Umuri Foundation izasangira iminsi mikuru n'abana
- Habaye kwinga amarozi ku munsi wa Gorilla na Rayon
- Keza Terisky aritegura kwibaruka nyuma yo gutandukana n�uwo biteguraga kurushinga
Dr Sabin Nsanzimana na Dr Yvan Butera barahiriye kwinjira muri guverinoma imbere ya Perezida Kagame
Wpfreeware Views:249 November 30, 2022 AMAKURU
Kuri uyu wa Gatatu nibwo Dr Sabin Nsanzimana wagizwe Minisitiri w�Ubuzima na Dr Yvan Butera wagizwe Umunyamabanga wa Leta muri iyo minisiteri, barahiriye imbere ya Perezida wa Repubulika ko bazashyira mu bikorwa inshingano nshya bahawe.
Perezida Kagame yashimye umuhate w�abayobozi bashya, avuga ko bafite ubushobozi bwo guteza imbere urwego rw�ubuzima mu Rwanda. Yabijeje ubufasha bwe mu gusohoza neza inshingano zabo.
Mu ijambo Perezida kagame yagejeje ku bitabiriye irahira ry�abayobozi bashya, yikije cyane ku bijyanye n�umutekano w�u Rwanda n�aho ingabo zarwo zoherejwe kuwubungabunga mu butumwa bwa Loni ndetse no mu mikoranire n�ibihugu bitandukanye.
Aba bayobozi babiri bahawe izi nshingano ku wa 28 Ugushyingo 2022. Bombi si bashya mu rwego rw�ubuzima mu Rwanda kuko nka Nsanzimana yari amaze amezi umunani ari Umuyobozi w�Ibitaro bya Kaminuza bya Butare, CHUB, mu gihe Butera yari Umunyamabanga Nshingwabikorwa wungirije w�Urwego rushinzwe Imyigishirize y�Abakozi bo mu rwego rw�ubuzima.
Mbere yo kujya kuyobora CHUB, Nsanzimana yari Umuyobozi w�Ikigo cy�Igihugu cy�Ubuzima, RBC.
